Den krevande digitale utviklinga

Nesten alt» blir skifta ut. Prosessen har pågått i mange månader, men i løpet av dei neste dagane skjer overgangen fysisk. I teorien skal alt virke etterpå. I praksis veit me at alt vil neppe fungere 100 prosent til å begynne med.

Alle som har Ryfylke sin app må laste ned ny app. Det er heller ikkje sikkert at alle som skal logge seg inn på nettsidene til Ryfylke for å lese artiklar, vil oppleve at passordet fungerer der og da. Me må ta høgde for at det kan bli litt arbeid etterpå for å hjelpe abonnentar og kundar som treng hjelp til innlogging. Takk for at du da er tålmodig med oss.

Dei nye digitale systema er framtidsretta, og det er fleire norske aviser som har gått gjennom den same omleggingsfasen som Ryfylke nå står midt i. Det er for å sikre avisa med framtidsretta system Ryfylke gjer dette. Men dette er også store økonomiske investeringar for ei lita lokalavis, som også medfører at me må auke prisane for å henge med på prisvekst og samfunnsutvikling.

Alle våre papiravisabonnentar har også tilgang på nettavisa og Eavisa til Ryfylke. Har du ikkje passord så får du hjelp til det. Mange har ordna seg innlogging. Ikkje ver redd for å ta kontakt og spør om hjelp. Nettavisa våre blir oppdatert med fleire artiklar kvar dag, sju dagar i veka, sjølv om me har hatt redusert kapasitet ei stund. Planen er at me skal tilbake til kvardagen igjen på nyåret.

Me veit det er ein god del av våre abonnentar som ikkje er digitale. Me veit også at samfunnet ikkje alltid legg tilrette for dette. Ryfylke held derfor fast på papiravisa. For mange er dette den einaste relevant medieplattforma.

Avisas rolle i samfunnet er viktig, og da skal me gjere oss tilgjengelege for flest muleg, sjølv om brukarane må betale for produktet vårt. Den digitale utviklinga, og dei nye, kraftige AI-verktøya, er ikkje bare nyttige hjelpemidler. Dei gjer det også stadig meir vanskeleg å skille mellom kva som er ekte og uekte, og kva som er manipulering og ikkje.

I eit stadig meir utfordrande digitalt samfunn, vil redaktørstyrte medier derfor spele ei stadig viktigare rolle.