88 000 uføre får ekstra pengar i februar

Høge prisar gjer at Stortinget har løyvd ekstra pengar til alle uføre som går på minstesatsane. Pengane skal vere på konto innan utgangen av veke 6, altså innan 13. februar, melder FriFagbevelse.

Nav har dermed betalt ut 265 millionar kroner ekstra til uføre på minstesatsar.

Eingongsutbetalinga gjeld for dei med minstesats, uavhengig av utbetalingsgrad, institusjonsopphald eller bustad, opplyser Nav.

Utbetalinga vart bestemd etter forhandlingar i haust mellom SV, Arbeidarpartiet og Senterpartiet om auka midlar til mottakarar av trygder og pensjonar.

Utbetalinga er skattefri og fører heller ikkje til reduksjon i uføretrygd eller barnetillegg.

(NPK)