Alkoholsalet 30 000 liter ned i Sauda i fjor

Da Norge, og mange andre land, i praksis blei stengt ned da koronapandemien braut ut, førte dette til full stopp i utanlandsreiser. Sjølv om den lokale serveringsbransjen også blei ramma, gjekk alkoholsalet samla sett i Sauda markant opp. Matbutikkane og Vinmonopolet hadde rekordomsetning av alkohol.

Nå er alkoholomsettinga på veg til å normalisere seg igjen. I 2022 blei det selt 30 000 liter mindre alkoholhaldig drikke innanfor kommunegrensene enn i 2021. Dei tre matbutikkane Extra, Kiwi og Bunnpris hadde ein omsettingsnedgang på 23 500 liter. Vinmonopolet i Sauda seld 17 800 liter mindre. Her skal det nemnast at nyopna polutsal i Suldal og Aksdal speler inn.

Serveringsbransjen i Sauda hadde ein oppgang på 12 000 liter i alkoholomsetting. Den markante forskjellen her er at Sauda Skisenter selde 6 651 liter alkoholhaldig drikke i fjor, mens dei selde null liter i 2021 på grunn av strenge koronarestriksjonar.

Også Kløver Hotel, Puben, Sauda Fjordhotell og Kraft Kafe hadde ein markant oppgang sidan 2022 blei eit år der pandemirestriksjonar hadde liten innverknad.

I den lokale matvarebransjen har Extra i Sauda tatt større andelar av omsettinga i løpet av dei tre pandemiåra. Samanlikna med normalåret» 2019 selde Extra drygt 30 000 liter mer alkoholhaldig drikke i 2022. Kiwi og Bunnpris selde i fjor omtrent 10 000 liter mindre enn i normalåret» 2019.

Omsetningstala på alkohol for matvarebutikkane gjeld kun drikke med alkoholstyrke mellom 2,5 og 4,7 prosent, sidan matvarebutikkane ikkje har lov å selge drikke med høgare alkoholprosent. For Vinmonopolet og serveringsbransjen er alle alkoholklassane slått saman. Serveringsbransjen omset desidert mest alkoholhaldig drikke inntil 4,7 prosent. Vinmonopolet omset desidert mest drikke i form av vin.

Alkoholsal i Sauda

Extra:

Kiwi:

Bunnpris:

Vinmonopolet:

Kløver Hotel og Puben:

Kraft Kafe:

Sauda Skisenter:

Sauda Fjordhotell:

Andre (2022-tal)