Arbeidsløysa i Sauda litt ned i juli.
Kun 0,6 prosent utan arbeid i Sauda i juli, mens talet på heilt ledige i Rogaland går opp.
Talet på heilt ledige gjekk litt opp i Rogaland i juli, samtidig som talet på arbeidssøkarar totalt gjekk noko ned. I Sauda held talet på heilt ledige imidlertid fram med å synka. 14 personar, 0,6 prosent av arbeiodsstyrken, er nå utan jobb. Dette er to færre enn ved førre månadsskifte, viser tal frå Nav.
Det blei i juli lyst ut ti ledige stillingar i Sauda.
Annonse
Bare Lund kommune, med 0,5 prosent heilt ledige, har færre arbeidslause enn Sauda.
4 215 rogalendingar, 1,7 prosent av arbeidsstyrken, er heilt ledige ved utgangen av juli.
Høgast del heilt ledige har Sandnes og Haugesund med høvesvis 2,1 og 2,0 prosent.
Annonse
– Vanleg utvikling i fylket
– Det er vanleg at arbeidsløysa stig i juli, som følge av naturlege sesongvariasjonar. Dette kan vera avslutta prosjekt innan industri, bygg og anlegg, eller nyutdanna studentar som registrerer seg som arbeidssøkarar. Derfor har me fått ein auke i talet på heilt ledige i juli. Samtidig har auka aktivitet i sommarsesongen gjort at tilsette innanfor reiseliv, overnatting og serviceyrke har gått frå å jobba deltid til heiltid, noko som forklarer ein nedgang i talet på delvis ledige, forklarer direktør i Nav Rogaland, Merethe P Hafthorsen.
