Årsmøte i Sauda Sykkelklubb

Sakslista for årsmøtet blei gjennomgått punkt for punkt og saker godkjent utan dei store diskusjonane.

Så litt oppsummering av fjoråret og planar for komande sesong:

Etter laber aktivitet under pandemien blei sykkelrittet Haugesund-Sauda arrangert igjen i 2022. Me var heldige med vêret, og deltakar-antalet blei nesten 160 stk. Av desse var det 13 som sykla for Sauda SK. Sett i lys av tidlegare tider er dette eit svært lågt antal, slik at ambisjonane til klubben er at det blir langt fleire saudabuar som tek utfordringa i år. I årets ritt blir det også moglegheiter for å sykle den kortare distansen frå Ropeid til målgang i Sauda. Dette er eit tilbod til dei som synest at turen frå Haugesund er i lengste laget.

Målsettinga til klubben er å satse på barn og unge, og i den samanhengen blei det arrangert både Tour of Norway for kids» og arrangement på pump track»-banen med stor suksess i 2022. Dette vil me også arrangere i år. I tillegg satsar me på å arrangere ein sykkelkarusell for barn opp til 12 år på vårparten. Arrangementet vil foregå i Andedam-området, og målet er å skape fysisk aktivitet, sykkelglede og interesse for sykling i god grønt-skifte» ånd.

Det vil også bli arrangert temporitt på Birkelandsmoen som oppkjøring til Haugesund- Sauda.

Så til alle Saudabuar der ute i alle aldersgrupper: Finn fram sykkelen og still opp i dei planlagde arrangementa. Jo fleire som deltar, jo kjekkare blir det. Og mosjon er og blir aldri feil!

Etter valget består styret i Sauda SK av følgande personar: Thomas Wahl, leiar, Paul Løyning, kasserar, Ander Amdal, sekretær, Steinar Gunnarshaug, styremedlem, Margrete Hodne, styremedlem og Karen Birkeland, styremedlem.