Frå 1. april trer den landsdekkjande bandtvangen i kraft.
Kyrre Lien / NTB / NPK
Bandtvangen trer i kraft 1. april
Den landsdekkjande bandtvangen trer i kraft måndag 1. april. Norsk kennelklubb oppmodar hundeeigarar til å opptre ansvarleg og overhalde bandtvangen.
– Det er presisert at bandtvang betyr at hunden skal vere fysisk i band, eller forsvarleg inngjerda. Det er ikkje tilstrekkeleg at hunden er under kontroll og i følgje med eigaren, heiter det i ei pressemelding frå Norsk kennelklubb.
Bandtvangen som gjeld fram til og med 20. august gjeld for alle hundar, uavhengig av rase, storleik og brukstype.
Dyrelivet er ekstra sårbart frå april til august, og hundar skal derfor haldast i band for å verne velferda til vilt og avkomma deira.
Noregs Kennel Klub meiner eigne friområde for hund er eit viktig innslag i hundevelferda, og vil derfor arbeide for at flest mogleg hundar skal få tilgang til dette.
(NPK)
