Beskyttelsestiltaka i EU: – Kan ramme delar av produksjonen i Sauda

Etter fleire veker med spekulasjonar og frykt for at EU vil innføre beskyttelsestiltak for sin eigen industriproduksjon, blei det tysdag klart at dette skjer. Beskyttelsestiltaka rammar også norsk industriproduksjon, sidan Norge ikkje er medlem i EU. Lenge var det håp om at EØS-avtalen kunne beskytte Norge. Tysdag blei det klart at det blir beskyttelsestiltak på ferrolegeringar, og at dette vil gjelde EØS-land. Det er ferrolegeringar Eramet sitt smelteverk i Sauda produserer, pluss dei to andre smelteverka i Eramet Norway-konsernet.

Men det er ikkje ein rein toll som er innført. Konseptet er at det blir sett ein minstepris, men at denne minsteprisen først slår inn når omtrent 75 prosent av eksportnivået er nådd.

I teorien kan derfor Eramet Norway unngå tollsatsar dersom dei held seg på 75 prosent eksportnivå til EU, for deretter å selge meir til andre marknader.

– Me sel alt nær halvparten av det me produserer i Norge til land utanfor EU, med høg marknadsandel på nokre av produkta. Så det er ikkje rett fram å selga meir der heller. Uansett, det som gjeld nå er å driva effektivt og med lågast mulige kostnadar, pluss selga dei rette produkta i dei rette marknadane til rett tid. Så forventer me at Norge jobbar vidare med å sikra dei vilkåra me treng og fortener i EU, seier Kåre Bjarte Bjelland.

Beskyttelsestiltaka blei vedtatt innført for ein treårsperiode.

Les også: – Beskyttelsestiltak i EU vil gjera det vanskelegare for oss.