Billegare straum over heile landet på julaftan

Det er det klart lågaste i desember for tre av dei fire prisområda her i landet. Ein må tilbake til 18. november for å finne ein billegare døgnpris, melder E24.

I Midt-Noreg og Nord-Noreg fell døgnprisen til 69 øre kilowattimen på julaftan. I Nord-Noreg har prisen vore lågare tre gonger tidlegare siste månaden.

Prisen som blir fastsett på straumbørsen Nord Pool er berre den reine kraftprisen. I tillegg kjem nettleige, avgifter som moms og påslag til straumselskapa.

Prisen held seg relativt jamn gjennom døgnet i alle prisområda. I Sør-Noreg er straumen durast på ettermiddagen, med prisar over 1,7 kroner mellom klokka 15 og 18.

(NPK)