Bryne’s blir verande stengt
Bryne’s konditori har vore stengt sidan 23. august. Det er heller ikkje noko som tydar på at den populære samlingsplassen vil opne med det første.
23. august stengte butikken og konditoriet Bryne’s dørene. Innehavar Harald Bryne ønsker ikkje å gå i detaljar om drifta, men stadfestar at det er den daglege leiinga av drifta som manglar.
– Vi har ikkje nokon tilgjengeleg som kan ta seg av den daglege drifta som leiar, og inntil vi har den rette personen til den jobben, er det ikkje aktuelt å opne butikken og drifta må dessverre leggast ned, seier han til Ryfylke.
Annonse
Bryne ønsker ikkje å svare på spørsmål knytt til rekrutteringa av ny leiar, forhold rundt tidlegare tilsette eller selskapets økonomi.
