No er det norske jordbær på veg ut i butikkane.
NPK
Dei norske jordbæra er på veg ut i butikkane
Organisasjonssjef Gunn Jorunn Sørum i Gartnerhallen fortel til
Nationen at dei aller fleste kan rekne med å ha tilgang til norske jordbær dei neste par vekene.
Ho seier at distribusjonen allereie er i gang hos produsentane i Rogaland og dei sørlege delane av Austlandet. Første sort ut i butikkane er Favori, saman med Korona og Malwina.
Gartnerhallen leverer jordbær til Rema 1000 og Norgesgruppen.
Leverandørane melder likevel at dei store jordbærvoluma først kjem i slutten av månaden. Då blir også bæra tilgjengeleg over heile landet.
Jordbærsesongen i år er litt forseinka på grunn av ein kald vår, men det ser ut til at sesongen blir lang.
Prisane på dei første norske jordbærkorgene pleier å vere høg. Tidlegare denne veka rapporterte TV 2 om jordbærkorger på Meny til 59,90 og 69,90 kroner.
