Drar du kjensel på denne russegjengen?
For 60 år sidan gjekk denne gjengen ut frå engelsk- og reallinja i Sauda.
Saudarussen 1963 hadde laurdag 10. juni 60 års jubileumssamling i Sauda. Av 26 elevar som gjekk ut av engelsk- og reallinja ved Sauda Gymnas og realskule i 1963, møtte 18 personar til treffet, frå Kautokeino og Tromsø i nord til Oslo og Stavanger i sør.
Jubileumsfeiringa starta på føremiddagen med besøk i Sneath’s park. Deretter drog gruppa til Kongshaug på Egne hjem, til lunsj i hagen til Berit Ljung og orientering og omvising på den fantastiske eigedommen hennar. Det var ei imponerande samling av dei mest utrulege ting Berit og Reidar Ljung har samla opp gjennom åra, og Berit hadde orden og full oversikt!
Annonse
Om kvelden hadde 60-årsjubilantane festmiddag på Sauda Fjordhotell. Hotellet har vore lokale for fleire jubileumssamlingar for Russ -63, og kvar gong har det vore fint vêr. Den røde stuen» og terrassen utanfor er då ei fantastisk ramme for ein festkveld med gamle skulevenner.
Synnøve Botnen Zahl
