Fest for Sneath’s Park og Åbøbyen
Laurdag blir det endeleg ny fest i Sneath’s Park! Åbøbyens Venner, Åbøbyen Reunion og kommunen har hatt eit fruktbart samarbeid for å markera at parken er rekonstruert» til god, gammal årgang.
Det blir som ei slags nyåpning av parken som opprinneleg blei åpna med pomp og prakt i juni 1951. Etter tre års planlegging vil Åbøbyen Reunion og deira nær 200 påmelde samstundes feira Good, Old Days» på sin måte.
Formannen i Åbøbyens venner, Odd Magne Lønseth, vil leia oss gjennom programmet som blant anna inneheld eit historisk innlegg av Kirsten Hellerdal Fosstveit og innslag ved Sauda revy- og teaterlag, kulturskulen og trekkspelklubben.
Annonse
Kaffi, juice, kake og is vil avslutta den offisielle» delen av arrangementet før Åbøbyen Reunion kan ønska deltakarar frå inn- og utland velkommen. Her blir det gruppevis besøk på Fløgstad skule, Sauda Klubb og Byanlegg/museum før lunsj og informasjon i kantina på Eramet.
Laurdag kveld blir det fest på Folkets Hus med Torfinn Opheim som programleiar. I tillegg til middag og kåseri skal gruppa Harmoni hjelpa gjestene å synga Bjørn Ljung sin flotte tekst, Åbøby’n.
Rutinerte musikarar frå Shotguns, Svein-Arvids/Terjes/Helges vil sørga for god dansemusikk og høg nostalgifaktor».
