Fristen for saudabedrifter å søke lokal straumstøtte er bestemt

Kommunestyret i Sauda vedtok i januar å sette av inntil ti millionar kroner til straumstøtte i 2023 for lokale bedrifter. Sauda kommune vil gi straumstøtte kvartalvis og har nå sett opp søknadsfristene.

Lokale bedrifter som ønsker å søke om straumstøtte for dei tre første månadane i 2023, må søke innan 1. mai. Sauda kommune opplyser at det vil bli lagt ut link til digitalt søknadsskjema og at denne linken vil bli lagt ut rundt 1. april.

Dette er kriteria Sauda kommune har for å søke straumstøtte:

Støtte for forbruk på inntil 50 000 kWh per verksemd per månad. Støtta dekker 80 % av kostnadane over 70 øre/kWh eks. mva. for straumforbruket.

Støtte for forbruk på over 50 000 kWh inntil 100 000 kWh per verksemd per månad. Støtta dekker 60 % av kostnadane over 70 øre/kWh eks. mva. for straumforbruket.

Grunnlaget er gjennomsnittleg spotpris i månaden.

Søknaden må dokumenterast med faktura for straum for kvart kvartal.

Målarnummer/Målepunkt-ID må vere registrert på eit organisasjonsnummer med kode næring. Det må kome fram av fakturaen.

Støtte til andre ekstraordinære kostnadar:

Støtte dekker differanse mellom historisk kostnadsnivå (til dømes gjennomsnitt 2021) og kostnadsnivå for omsøkt periode i 2023.

Det skal leggast med oppdatert rekneskap som viser behov for stønad.

Ved søknad om støtte til ekstraordinære kostnadar vil ein ta omsyn til eventuelt støtte gitt til straumkostnad.

Generelt for begge ordningar:

Stønad blir utbetalt kvar tredje månad etter søknad.

Ordninga gjeld alle små og mellomstore verksemder. Små og mellomstore verksemder blir definert som verksemder med mindre enn 100 tilsette og mindre enn 100 millionar kroner i årleg omsetning.

Ordninga gjeld ikkje for offentlege verksemder.

Ordninga gjeld ikkje for kraftintensiv industri.

Ordninga gjeld ikkje for produsentar av kraft.

Verksemda må stadfeste at dei ikkje er omfatta av ei tilsvarande statleg ordning.

Verksemda må stadfeste at dei ikkje kjem over grensa for bagatellmessig støtte.

Bedrifter som mottar støtte kan ikkje utbetale utbytte for 2022 eller 2023.

Søkarar må ha betalt alle offentlege avgifter.

Ordninga er tillitsbasert. Dei som misbruker ordninga må tilbakebetale støttebeløp med renter.

Slik søker du:

Ein må søke støtte kvart kvartal.

Søk via digitalt søknadsskjema (skjema og link kjem på Sauda kommunes heimesider cirka 1. april).

Søknad signerast digitalt ved innsending.

Søknadar til ekstraordinære kostnadar – skriftleg søknad til For Sauda KF (ikkje eige skjema)

Søknadsfristar:

1. kvartal 2023 – 1. mai 2023
2. kvartal 2023 – 1. august 2023
3. kvartal 2023 – 1. november 2023
4. kvartal 2023 – 31. januar 2024