Golf: Far og son Egge til topps i sesongpremieren
God deltaking i årets første lokale golfturnering.
21 par stilte til start då Sauda Golfklubb starta turneringssesongen søndag 1. mai. Turneringsformatet var Greensome for par; det vil seia at begge spelarane slår ut på kvart hol, så vel ein ballen som ligg best plassert og slår så annan kvar gong på denne til han ligg i holet. Resultatet blir så rekna om til poeng etter Stableford-metoden.
Etter 18 spelte hol var det far og son Odd Erik og Theo Herheim Egge som hadde den suverent beste scoren med 43 poeng, eller sju slag betre enn handicapet sitt. Dette var fire poeng betre enn paret som til slutt blei nummer to; Svein Ilstad og Tore Småmo.
Annonse
Trearane Erik Husebø og Terje Hodne brukte færrast slag på sine 18 hol med 65, fem over banens par.
Resultat parturnering 1. mai:
| 1 | Odd Erik Egge/Theo H. Egge | 43 poeng |
| 2 | Tore Småmo/Svein Ilstad | 39 poeng |
| 3 | Terje Hodne/Erik Husebø | 38 poeng |
| 4 | Jan Petter Hodne/Hilde Hodne | 38 poeng |
| 5 | Bjørn Håheim/Endre Storli | 36 poeng |
| 6 | Ole Morten Haraldsen/Knut A. Seim | 36 poeng |
| 7 | Nils P. Hauge/Stig Amdal | 36 poeng |
| 8 | Ivar Øvrebø/Brede Rokås | 36 poeng |
