– Han kule karen med full kamuflasje og Matrix-briller er meg, ja!
Tore Eeg er ein av dei utkledde borna på Ryfylke sitt arkivbilde. Også dei andre er nå identifisert.
I spalta Ryfylkeakivet» i papiravisa på fredag hadde me på trykk eit svart/kvitt-bilde av fleire karnevalsutkledde born. Me klarte ikkje å finna bildet igjen i det digitale arkivet, og spurde lesarane om hjelp til å identifisera borna. Alt fredag morgon fekk me fleire svar. Både Cathrine Johnsen Listøl og Christer Klementsen kom med gode tips. Begge er einige om at guten med Drillo-slipset» er Stian Johnsen Nordvik. Cathrine meiner lysluggen med fotballdrakt er bror hennar, Tor Olaf Johnsen. Ho synest han med plakaten liknar på Øystein Bastlien, men er usikker. Christer derimot meiner plakat-guten må vera Tore Eeg.
Ryfylke har spurt Tore Eeg om det stemmer.
Annonse
– Om det er han kule karen med full kamuflasje og Matrix-briller, så er det meg, ja, svarer Tore muntert på tekstmeldinga frå Ryfylke.
Christer meiner også at den slikkepinne-etande klovnen er Helle Lønseth.
– Jada, klovnen er meg, stadfestar Helle overfor Ryfylke.
Ho fortel at ho fekk masse kommentarar og snap-meldingar på fredag, då bildet stod på trykk i Ryfylke. Ho trur jenta i dress og flosshatt er Solveig Steinsland. Det er det.
Annonse
– Ja, det er meg. Men eg har ingen aning om kva anledning, seier Solveig.
