Hildeborg gjest i Ryfylke-podcast

I snart to år har Ryfylkealliansen farta Ryfylke rundt og laga tv-sendingar med innslag frå heile regionen. I dag, fredag, lanserer alliansen sin eigen podcast, som har fått namnet På ekta».

I podcasten møter Tor Øyvind Skeiseid heilt vanlege menneske frå Ryfylke, med meir eller mindre vanlege historier. Planen er å gi ut ein ny episode kvar månad.

Ved lanseringa blir det lagt ut to episodar. Desse er om og med legen Bjarte Sørensen (44) frå Hjelmeland og Saudas eigen Hildeborg Juvet Hugdal (39).

I den drygt halvtime lange episoden med Hildeborg får lyttarane høyra lærar, mor, handballspelar og styrkeløftar Hildeborg i prat med Skeiseid.

– Skråblikk på ryfylkingen

– På ekta» blir både galskap og glede, kvardagsfest og nedturar og jordnært og ærleg. Kort og godt innhaldsrike historier om alminnelege, spennande personar. Samtidig s er »På ekta» eit skråblikk på ryfylkingen – både i og utanfor Ryfylke, skriv Ryfylkealliansen i sin presentasjon.

På ekta» er tilgjengeleg både frå Ryfyllealliansen sine nettsider, Spotify og Apple Podcasts.