Isvarsel: Her kan det bli speilglatt

Temperaturane i Sauda dei siste dagane har vore låge, med frost og ned til tosifra minusgrader torsdag morgon. Nå har Meteorologisk institutt sendt ut gult farevarsel for is. Varselet gjeld store delar av Vestlandet frå Haugalandet til kyststroka sør for Stavanger.

– Fredag er det venta mykje is på grunn av overgang til mildvêr og regn som frys til på kald bakke. Det kan vere lokalt vanskelege køyreforhold. Vegbana kan bli dekt av våt is, skriv varsom.no, Meteorologisk institutt sin varslingsteneste på nett.

Med andre ord kan ein oppleve speilglatt veg enkelte stader når mildvêret tar til fredag. Meteorologisk institutt rådar bilistar til å tilpasse fart og vere ekstra på vakt. Harald Eikrem, beredskapskoordinator i Sauda kommune, opplyser at kommunen er oppmerksam på varselet.

– Kommunens brøytevakt følger med på situasjonen og er klar til å handtere den, seier han til Ryfylke.