Dei nye kommunegrensene til Ålesund og Haram kommune trer i kraft frå 1. januar 2024.
Kartverket
Jobbar på spreng med nytt Noregskart
Frå 1. januar vert tre fylke til sju nye, i tillegg skal ein kommune bli delt i to. På Kartverket jobbar dei på spreng med å lage nye kart før endringane trer i kraft.
– No driv vi ganske utstrakt testing og kontroll for å vere heilt sikre på at alle endringane er akkurat slik dei skal vere. Men eg har god tru på at vi kjem i mål, seier prosjektleiar hos Kartverket, Kristin Schnell Rolfsøn.
Frå nyåret er det 15 fylke i Noreg. Viken fylke blir Østfold, Buskerud og Akershus, Vestfold og Telemark fylke går tilbake til å vere Vestfold fylke og Telemark fylke, og Troms og Finnmark vert delt i to nye fylker.
I tillegg vert Ålesund kommune delt opp i Ålesund og Haram kommunar.
Å setje nye fylkes- og kommunegrenser inneber mellom anna 50 millionar endringar i eigedomsregisteret og i grunnboka. Dette er informasjon som mellom anna er viktig for Posten, Skatteetaten, kommunane og Statens vegvesen.
(NPK)
