Julekonsert med Sonor og Gullgutane
I år blir det to felles julekonsertar med Sonor og Gullgutane, éin i Sauda og éin i Suldal.
Det er ei stund sidan Sonor har hatt eigen julekonsert. I år blir det to felles julekonsertar med Sonor og Gullgutane, éin i Sauda og éin i Suldal, den første veka i desember - eit spennande samarbeidsprosjekt mellom nabokommunane.
Han som ivrar for dette er dirigenten for begge kora, Nils Bjarne Vold. Då han starta som dirigent for Sonor i haust, var eigen julekonsert eit ønske han hadde. Det har vore felles øving på Sand og snart ei felles øving i Sauda. Alle gledar seg til å gjera dette samarbeidsprosjektet. Det blir eigne sangnummer fra kvart kor og felles sangnummer. Med oss blir vår eminente pianist Eirik Hellerdal Fosstveit. Det skal framførast ukjente, men flest kjente og kjære julesanger. Me vonar at mange finn veien til kyrkja og at julestemninga vil komma til alle.
