Kulda stoppa langrennsopninga for dei yngste

Vinterens åpningsrenn i langrenn på Hovden laurdag enda med avlysing for dei fleste barne- og ungdomsklassane. Regelverket set grensa ved 15 kuldgrader for barn og ungdom. Så mildt var det bare ei svært kort stund laurdag. Dermed blei det ikkje noko renn for dei fleste av saudaløparane.

2 x bronse

Junior- og seniorløparane får lov til å gå i temperaturar ned til minus 18 grader. To av dei som fekk bryna seg på årets KM-løyper var Sauda-løparane Iver Bjerga Øverland i M17 og far Ola Martin Øverland i seniorklassa. Det enda med bronsemedalje i KM for begge to etter å ha fullført ti iskalde kilometrar i fristil.

− Løpet var kjekt. Løypa var lett, men med lite kvile, oppsummerer Iver, som dette året er elev ved skigymnaset på Hovden og med det konkurrerte på sin andre heimebane.

− Korleis opplevde du kulda?

− Det var heilt greitt medan eg gjekk, men eg kjende kulda godt då eg kom i mål, slår han fast.

Rennet enda med fjerdeplass av dei ni deltakarane i M17, men med tredjemann frå ein annan krets, gjekk altså siste medaljeplassen til saudaløparen, eitt og eit halvt minutt etter vinnar Edvard Bjåstad frå Sandnes.

− Eg er veldig fornøgd med KM-bronsen, slår Iver Bjerga Øverland fast.

Resultat, KM Fristil, Hovden 10.12:

Menn senior, 10 km (5 delt.):

M17, 10 km, (9 delt.):