Kva er det aller kjekkaste du veit?
– Det er å bidra til at andre menneske blir positivt overraska og glad.
Kvardagslykke gjer meg glad.
Kven synest du fortener ein stor blomst?
– Kristine, verdens beste venninne som alltid er der for meg i ei til tider hektisk kvardag.
Kva er favorittmaten din?
– Heimeprodusert og tilberedt pinnekjøtt med poteter, kålrabistappe, rosenkål og løksaus.
Kva liker du best å gjere på fritida?
– Vere med familie, venner og stelle med dyr.
Kva musikk liker du å høyre på?
– Coldplay. Var på konsert i Gøteborg nå i sommar. Magisk.
Kva gjer deg sint?
– Ulike typar vald, spesielt retta mot barn og unge.
Kva gjer deg glad?
– Betale skatt, Leif Kåre, barna våre, familie, venner, strikking, hytteliv, småbrukar, reiser, trening og å vere frisk.
Kva brenn du aller mest for som folkevalt?
– “Løfta frem dei som sit nederst ved bordet”
Kva ville du gjort om du var ordførar i Sauda?
– Ha faste tidspunkt på benkane ved Rådhusplassen der intensjonen er å lytte og prate med folk om kvardagsutfordringar og gleder.
