Mehl oppfordrar folk til å vere årvakne om mistenkeleg aktivitet

– No er det høg beredskap og fullt fokus på trusselbiletet rundt oss og den endra sikkerheitspolitiske situasjonen. Politiet gjer ein viktig og god jobb, og det er bra dei er årvakne. Det er derfor ikkje overraskande at dei avdekkjer denne typen aktivitet, sa justis- og beredskapsminister Emilie Enger Mehl (Sp) på ein pressekonferanse måndag.

Måndag opplyste politiet i Nordland at fire russiske statsborgarar er arresterte med fotoutstyr og sit varetektsfengsla. Dermed er til saman seks russiske statsborgarar varetektsfengsla i Norge etter å ha vorte tekne med dronar eller fotoutstyr.

– På generelt grunnlag vil eg seie at det er viktig at vi har vaktsemd i samfunnet på aktivitet som kan verke mistenkjeleg. Dette bør rapporterast til politiet lokalt. Politiet har tett dialog med PST, sa Mehl.

Ho meiner sakene understrekar viktigheita av all beredskapen som er sett i gang sidan krigsutbrotet.

(NPK)