Miljøpris til selskap som utvikla gjenbruksbar emballasjeløysing

– Bedrifta har teke tak i ei av dei største miljøutfordringane i bygg- og anleggsbransjen: plastavfall. Bedrifta går føre og viser veg med ein ny forretningsmodell som bidreg til å gi eit tydeleg redusert miljøavtrykk i ein bransje med høge CO2-utslepp, seier næringsminister Jan Christian Vestre om vinnaren av Siva-prisen i ei pressemelding.

Bedrifta Looping har bidrege til utfasing av eingongsplast. Dei leverer gjenbruksemballasje i ein sirkulær forretningsmodell, og har så langt bidrege til å eliminere over 100 tonn eingongsplast i byggje- og anleggsbransjen.

– Denne prisen heng høgt for alle i, og rundt Looping, det er ei stadfesting på verdiskapinga vår. Ein ekstra takk til kundar og partnarar, seier Jens Brustad, CEO i Looping.

Siva-prisen blir i år delt ut for åttande gong. Prisen er på 250.000 kroner.