Milliardoverskot i Haugaland Kraft

Haugaland Kraft AS fekk eit resultat etter skatt på 1,9 milliardar kroner i 2022, opplyser konsernet i ei pressemelding. Årsresultatet før skatt var på 5,0 milliardar kroner.

Årsresultatet blir dratt opp av kraftproduksjonen i det 60 prosent eigde dotterselskapet Sunnhordland kraft AS, der Haugaland Kraft AS sin del av resultatet utgjer 1,2 milliardar kroner.

Sunnhordland kraftlag, på si side, eig 15 prosent av AS Saudefaldene. Dermed kjem delar av overskotet til Haugaland Kraft frå kraftproduksjon i Saudafjella.

450 millionar til eigarane

I vinter betalte Haugaland Kraft ut 150 millionar kroner i utbytte til eigarane. Nå føreslår styret å betala ut ytterlegare 450 millionar. For Sauda kommunes 0,2 prosent medfører dette 915 000 kroner og til saman 1,22 millionar kroner for 2022. Konsernets største eigar, Karmøy kommune, får til saman nær 210 millionar i utbytte.

Investerte 900 millionar

Årsrekneskapen viser at konsernet i løpet av 2022 investerte 903 millionar kroner i straumnett, fiber og kraftproduksjon. Mellom anna gjorde nettselskapet Fagne, for øvrig landets tiande største, investeringar for 382 millionar kroner.