Møte om psykisk helse, drop-outs og trening

Laget for Hovlandsnutens Utvikling er opptatt av meir enn topptrente løparar i full fart til Hovlandsnuten. Me arrangerer derfor eit åpent møte der blant andre elevane på 10. trinn vil vera til stades.

Møtet startar med Irene Søndenå og Nils Kristen Herheim frå NAV Sauda som kort informerer om NAV og deira tilbod. Så kjem Dag Bjønnes frå Sauda vid. Skule og fortel i korte trekk om skulen sitt viktige arbeid for å hindra at elevar droppar ut, noko dei har lukkast med.

Til slutt kjem fysioterapeut og kognitiv terapeut, Lars Zachariassen, for å snakka om eit svært aktuelt tema etter pandemien, ungdommens psykiske helse. Han driv eige treningssenter på Bryne og har eit brennande engasjement for fysisk og psykisk helse, motivasjon og endring. På heimesida hans finn me målet: Å ha det bra! Med deg sjølv i ditt liv!

Velkommen!