Ni av ti private elsparkesyklar er uforsikra

Frå nyttår vart det krav om forsikring for elsparkesyklar, men det er det få som følgjer, skriv Aftenposten.

Tal frå Finans Norge og to av dei største forsikringsselskapa i landet viser at nesten 90 prosent av dei private elsparkesyklane ikkje er forsikra. Ifølgje Statens vegvesen er det truleg godt over 500.000 elsparkesyklar i privat eige som er forsikringspliktige.

Tal frå Trafikkforsikringsforeningen viser at omtrent 50.000 elsparkesyklar var forsikra i byrjinga av juni.

– Eigarane av elsparkesyklane risikerer millionrekning om dei forårsakar ein personskade, eller det oppstår brann i samband med lading, seier administrerande direktør Ståle Solem Ingebrigtsen i Trafikkforsikringsforeningen.