Nordmenn har planar om å spare meir det komande året

Om lag to tredelar av befolkninga seier dei vil spare meir eller like mykje i 2023 som i 2022, kjem det fram i ei spørjeundersøking gjort av YouGov.

Det fortel Obos-banken, som står bak undersøkinga, i ei pressemelding.

Berre 15 prosent seier dei kjem til å spare mindre, medan 12 prosent svarer dei ikkje kjem til å spare i det heile.

– Det vil sannsynlegvis verte meir krevjande å sette til side pengar i 2023, grunna auka rente og høg prisvekst. Samstundes kan det tolkast som om mange ser behovet for å setje til side meir enn tidlegare, seier Øistein Gamst Sandlie, administrerande direktør i Obos-banken.

59 prosent svarer nemleg at dei først og fremst sparer til uventa hendingar eller utgifter.

(NPK