Oldemor – og framleis på jobb

– Eg tar dag for dag. Eg trivst jo på jobb. Men, blir det slik at firmaet ein gong flyttar opp til Birkeland, så blir eg nok ikkje med. Då får eg heller bare komma på besøk, seier Inger Aartun.

To dagar kvar veke

31. juli i år runda ho 80 år, og dagen blei feira saman med familie og venner i Hamnastova. Bare eit lite steinkast unna, i familiebedrifta Aartun Transport, har Inger Aartun framleis faste arbeidsdagar kvar veke.

– Eg er på jobb tysdagar og fredagar. Eg hentar posten, sorterer posten, gjer diverse kontorarbeid, for eksempel fører eg timelister for enkelte. Og så vaskar eg opp og ryddar, fortel ho.

Starta som kontordame»

Det er nå 54 år sidan Inger og mannen Trygve kjøpte næringsbygget på Treaskjæret, der dei fortsette å driva firmaet Aartun Transport, som blei etablert av Karl Aartun i 1927. Inger, som då var i midten av tjueåra, blei tildelt jobben som kontordame». Først i 2018, då ho var 76 år, valde ho å trappa ned.

– Då blei Bjørg Sandvik tilset i stillinga mi. Men eg fortsette å jobba i bedrifta, og eg jobbar fem timar på fredagane, når Bjørg har fri, fortel Inger.

Ho innrømmer at venner og andre rundt henne reagerer på at ho framleis er yrkesarkiv, som 80-åring.

– At du klarer! Du er god», seier dei gjerne. Men eg synest det er kjekt å ha eit program og eg rivst med arbeidet. For meg er det blitt ein livsstil, seier ho.

Vanleg pensjonsalder i Norge er 67 år, men stadig fleire vel å ta ut alderspensjon frå dei fyller 62 år. For Inger har det vore uaktuelt.

– Me har vel aldri vore normale», me her i bedrifta, smiler ho.

Oldemor til sju

Inger synest det er greitt å ha noko fast å gå til eit par dagar i veka, samtidig er det sosialt å komma seg på jobb.

– Og så får eg ferdig middag når eg kjem heim dei to dagane. Det liker eg, smiler ho.

Det er ektemannen Trygve som styrer kjøkkenet når kona er på jobb. Han blir 81 år i haust.

Ekteparet sin tre søner overtok drifta av firmaet Aartun Transport AS i 2010. Det er sonen Tor Inge som er dagleg leiar i firmaet, som har 18 tilsette.

Inger og Trygve har tre søner og éi dotter.

– Og me er besteforeldre til 14 og oldeforeldre til sju, fortel Inger.

Åra går

80 år gamle Inger fortel at det hender at ho tenker på å bli skikkeleg» pensjonist.

– Eg tenker jo litt på det av og til. Men dagane går – og plutseleg har det gått eitt år til, seier ho.

Det er aldri problem med å fylla dei andre dagane i veka, når ho har fri frå jobb.

– Eg hadde ein plan om å lesa masse bøker, men har etter kvart fått kjøpeforbod» sidan det blir så fullt av bøker overalt, så nå låner eg bøker på biblioteket eller les dei på mobilen. Elles liker me oss på hytta og eg liker å gå turar, seier ho.