Regjeringa vil auke leselysta blant unge

Kultur- og likestillingsminister Anette Trettebergstuen (Ap) og kunnskapsminister Tonje Brenna (Ap) samarbeider om ein leselyststrategi som skal få fleire til å lese meir.

PISA-undersøkinga frå 2018 viser at 15-åringar bruker mindre tid på å lese på fritida enn før. 68 prosent av gutane og 48 prosent av jentene oppgir at dei berre les viss dei må. Det var også ein tydeleg tilbakegang i leseferdigheitene.

Regjeringa ønskjer no innspel til kva som skaper ein kultur for lesing og inviterer til innspelsmøte.

Leselyststrategien skal vere klar på nyåret 2024.