Røykutvikling på smelteverket
Nødetatar rykka måndag formiddag ut til Eramet Norway Sauda etter røykutvikling.
Måndag formiddag oppstod det brann og røykutvikling ved metallknuseanlegget til Eramet Norway Sauda.
– Situasjonen kom raskt under kontroll, men me veit ennå ikkje om det er utstyr som er skadd, seier kommunikasjonsdirektør Kåre Bjarte Bjelland.
Annonse
Han opplyser at industrivernet rykka ut og nødetatane blei varsla og kom til staden, slik prosedyra til smelteverket er i slike situasjonar.
– Me har stans på metallknuseanlegget fram til me funne ut kva som skjedde og konsevensane av hendinga. Det er ikkje stans i den øvrige produksjonen til smelteverket. Ovnsproduksjonen går som normalt, seier Kåre Bjarte Bjelland.
Ingen personar blei skadd da røykutviklinga oppstod.
