Rykka ut etter snøballkasting
Politiet blei tilkalt då ei stor gruppe unge personar plaga gjestar ved ein serveringsstad i Sauda laurdag kveld.
Politiet fekk den første meldinga omlag klokka 21.20 laurdag kveld. Meldinga gjekk ut på at fleire unge personar plaga gjester som var innom ein serveringsstad i Sauda sentrum, ved å kaste snøballar på dei.
– Vi fekk ei ny melding omlag tjue minutt seinare. Då var det omlag 15 unge menneske der som kasta snøballar på gjestene, opplyser politioverbetjent Eivind Asheim til Ryfylke.
Annonse
Han fortel at snøballkasting på denne måten ikkje er berre uskuldig moro, men både plagsamt og potensielt skadeleg for dei som blir kasta på.
– Politiet rykka ut, då tilsette opplevde situasjonen som ubehageleg. Då patruljen var på staden omlag klokka 22.15, var det imidlertid ingen ungdommar på staden. Vi har ein del namn på blokka, på nokre av dei som skal ha kasta snøballar, seier Asheim.
