Skisenteret opnar laurdag: – Kjekt å vere i gang

Sauda Skisenter opnar laurdag både familieheisen og det litle skibandet, etter at temperaturane har vore stabilt låge i ein lengre periode. Det har gitt gode forhold for snøproduksjon, og dagleg leiar i Sauda skisenter, Lars Reidar Fosstveit, seier til Ryfylke at skisenteret har fått produsert mykje kunstsnø.

– Det er veldig kjekt å vere i gang, seier han på SMS til lokalavisa fredag ettermiddag.

Vêret laurdag er venta å bli noko mildare enn så langt denne veka, med nedbør og temperaturar mellom 2 og 5 grader. I fjellet vil imidlertid temperaturen vere lågare, og det er venta nedbør som snø, ifølge vêrtenesta pent.no.

Skisenteret opplyser på Facebook at både skiutleiga, kaféen og Hålå bar vil halde ope medan heisen er ope laurdag.