Det er stor etterspurnad etter solcelleanlegg. Biletet visar det nyleg monterte anlegget på eit leilegheitsbygg på Vangnes.
Knut Atle Seim
Stor utvikling innan norsk solenergi
Utbygginga av norsk solenergi har auka kraftig hittil i år. Fleire bedrifter og privatkundar står i kø for å få montert solceller på taket.
– Vi kjem til å ha rundt 350 millionar kroner i omsetning i år. Det er ikkje usannsynleg at vi kan hamne på godt over milliarden neste år viss vi klarer å rekruttere nok menneske, seier administrerande direktør Carl Christian Strømberg i Solcellespesialisten til nettstaden Energi og Klima.
September var den beste månaden for den norske solenergimarknaden nokosinne. Det er kø for å få montert solceller på taket, og snart kjem også bakkemonterte anlegg til Noreg.
Høge straumprisar blir peika på som ein faktor for den store veksten i år, ettersom fleire nordmenn kjenner behov for å vere sjølvforsynte som følgje av energikrisa i Europa.
