Statsminister Jonas Gahr Støre (Ap) seier det er naivt å tru at det vil bli bygd havvind utan at staten stiller opp med subsidiar.
Terje Bendiksby / NTB / NPK
Støre: – Norsk havvind blir konkurransedyktig
Arbeidarpartiet, Senterpartiet, SV og MDG vart nyleg samde om at staten skal subsidiere den første utbyggingsfasen av Sørlige Nordsjø II med 23 milliardar kroner, før inflasjonsjustering.
– Det å tru at dette kjem opp av bakken og når samfunnsmåla dei skal, utan at fellesskapen stiller opp i startfasen, det trur eg er naivt. Då skjer det ikkje, seier Støre til Dagens Næringsliv.
Støre og Aasland forsvarer havvindmilliardane langs tre linjer: Klima, kraftbehov og industriutvikling. Statsministeren meiner alle dei europeiske kollegaene hans har havvind på dagsordenen.
– Vi legg til rette for viktig kraft for norsk industri, stabilitet og føreseielegheit, høve til å kutte klimautslepp og til at leverandørindustrien kan satse internasjonalt. Vi treng krafta, skyt Aasland inn.
Regjeringa meiner ho har eit realistisk siktemål» om at havvindmøllene vil vere driftsklare innan 2030.
