Terakraft til Hellandsbygd i juli

– Me starta testkjøringa i mars. Eg gjorde opptak og snakka med naboane. Alle var tilfreds med resultata, fortel Giorgio Sbriglia, styreleiar i Terakraft, selskapet som vil driva datasenter i den gamle, nedlagte kraftstasjonen. Sauda 1 i Hellandsbygd.

Han legg ikkje skjul på at han er frustrert over å høyra at folk nå klagar på lyd frå det gamle stasjonsbygget.

– Desse personane har ikkje kontakta oss. Me blir nå bedt om å gjera noko basert på spekulasjonar og rykte. Det kan også vera at noko har endra seg, og me vil då undersøka situasjonen og gjera grep, seier han.

Han opplyser at Terakraft har ein plan om å dra til Sauda og Hellandsbygd i første halvdel av juli.

– Viss me skal reagera endå raskare enn dette, må dei som blir plaga av støyen ta direkte kontakt med oss, seier han.

Ryfylke skriv i dag, tysdag, om lydutfordringar i det planlagde datasenter-bygget i Hellandsbygd. Sauda kommune har blitt varsla, og dei har vore på synfaring og blant anna gjort lydopptak. Bygdeutvalet i Hellandsbygd opplyser til Ryfylke at dei har kontakta Terakreft om problemet.