Kan norsk ruskevêr vera attraktivt for turistar? Ein reiselivsforskar argumenterer for at å marknadsføra seg med uvêr får fram ei unik side ved norsk reiseliv.
Kent Even Grundstad / NTB / NPK
Trur norsk ruskevêr kan vera attraktivt for turistar
Reiselivsorganisasjonen Visit Norway melder at det er rekordhøg interesse for å legga ferien til Noreg i 2023, skriv NRK.
– På mellomlang og lang sikt er eg overtydd om at heitebylgjer i større grad vil vera styrande for val av reisemål. Kven ynsker å bli sittande fast ved airconditionen på ferie, spør reiselivsdirektør Audun Pettersen i Virke.
Tal frå Virke viser at overnattingar i Noreg med turistar frå land som Spania, Italia og Frankrike har auka i 2022 samanlikna med 2019.
– Uvêr er instagram-venleg òg. Dei må visa det som er unikt med til dømes hausten, som turistane ikkje får om dei reiser hit om sommaren, seier reiselivsforskar Veronica Blumenthal ved Transportøkonomisk institutt (TØI).
Ho viser til Ny Zealand, eit land som marknadsfører seg med alt vêret øystaten har å by på.
– Me begynner å sjå teikn på at sommarturistar flyktar frå eit varmt Europa, seier forskar Carlo Aall i Vestlandsforsking.
(NPK)
