Lokalavis for Sauda og Indre Ryfylke

Uvêret Amy sendte fleire bjelkar inn i vegger og tak på huset til Siv Turid og Terje Valskår i Åbøbyen.
Uvêret Amy sendte fleire bjelkar inn i vegger og tak på huset til Siv Turid og Terje Valskår i Åbøbyen.

Uvêret Amy skapte klikk-storm» hos Ryfylke

Saka om Sauda-ekteparet som fekk huset sitt spidda av flygande bjelkar blei den mest leste nettsaka i oktober.

Publisert Sist oppdatert

Sju nettsaker om uvêret Amy sine herjingar med Sauda er inne på 20 på topp-lista i oktober. Flest klikk fekk saka som fortalde om korleis ekteparet Siv Turid og Terje Valskår fekk huset sitt bokstaveleg talt spidda av flygande bjelkar under uvêret Amy, natt til laurdag 4. oktober.

Slik såg det ut på kjøkkenet til ekteparet Valskår, natt til 4. oktober.

Seks av uvêret-sakene blei publisert på nettsida til Ryfylke i morgontimane denne laurdagen. I tillegg er saka Teltet blei smadra»: Banken opnar lommeboka», saka om at Sparebanken Norge støttar Sauda Ferie & Fritid med 300 000 kroner til nytt festivaltelt, også inne på lista.

Fleire hustak i Sauda fekk skader under uvêret Amy. Her viser Ole Viggo Rønning fram skadane på sitt hus.

Andre populære nettsaker denne månaden er »Capri restaurant stenger dørene for godt neste måndag», Butikknæringa er lei av forfall og helsefare på Saudahjørnet», og saka om nye stengetider i Åsjuvet.

Etter eitt år der lesarbrev har florert i Ryfylke, kan ein nå merka seg at ingen lesarbrev er inne på 20 på topp-lista til Ryfylke i oktober – etter reguleringsplan-vedtaket i ammoniakksaka i kommunestyret 15. september.

I løpet av oktober blei det publisert 210 saker på nettsida til Ryfylke. Dette er fleire nettsaker enn det blei publisert i september, august, juli og juni i år, og gir eit snitt på 6,7 saker kvar einaste dag. I februar i år blei det publisert heile 234 saker på nettsida til Ryfylke.

Totalt blei det registrert 454 148 sidevisningar i oktober.

Det gir eit snitt på 14 649 sidevisningar per dag.

Mest lest på www.ryfylke.net i oktober:

1 Huset til Siv Turid og Terje blei spidda av flygande bjelkar 3 929
2 Ekstremvêret Amy: Ei rekke trer blåste ned i Sauda i løpet av natta og sperra vegar 3 636
3 Capri restaurant stenger dørene for godt neste måndag 3 551
4 Butikknæringa er lei av forfall og helsefare på Saudahjørnet»: – Nå er det nok! 3 505
5 Ekstremvêret Amy: Taket blåste av næringsbygg 3 235
6 Ekstremvêret Amy: Fleire hustak i Sauda har fått skader 3 183
7 Ekstremvêret Amy: Måtte rive stort telt på Rådhusplassen – Betongklossane svevde i lufta 3 129
8 Ny oppdatering: Nå må du igjen sjå nøye på klokka før du kjører utover – også utover ettermiddagen 3 109
9 Ekstremvêret Amy: – Har aldri hatt trampoline før, men nå har me det 2 684
10 Ekstremvêret Amy: – Har aldri opplevd makan på 32 år 2 649
11 Politiet: – Har du sett ein bil med dette registreringsnummeret? 2 475
12 Advarsel: Saudafjorden når nye høgder søndag 2 362
13 Politiet med ny oppdatering om søket etter sakna saudamann 2 201
14 Folkerikt i sentrum: Framleis eit veldig populært arrangement i Sauda 2 095
15 Stor bildeserie: Klyv klatresenter opna og fylte nybygget 2 090
16 Teltet blei smadra»: Banken opnar lommeboka 2 086
17 – For ein fantastisk respons! 2 083
18 Lei av dumping av skrot: – Hårreisande haldningar 2 026
19 Pollestad: – Sauda er den største budsjett-taparen 1 910
20 Her er den stolne bilen: – Mann pågripen for biltjuveri 1 844
nyheiter
Powered by Labrador CMS