Vedforhandlarar opplever halvert sal frå i fjor

Hos Viuno i Nedre Glomma er salet halvert samanlikna med same tid i fjor,skreivFredriksstad Blad i oktober.

Mange kundar har ved til overs frå den milde vinteren i fjor, i motsetnad til vinteren 2023–2024 som var kald og lang. Dette har ført til kraftig redusert etterspurnad.

– Det har vore som å slå av ein brytar. Salet hittil i år er nok halvert i forhold til i fjor på same tid, seier Espen Winther Knutsen, dagleg leiar hos Viuno, til Fredriksstad Blad.

Noregspris, med føreseieleg og truleg lågare straumpris, kan føre til varige endringar i vedforbruket. Store kjeder dumpar småsekker i marknaden, og prisane vert pressa nedover.

– Vi tapar jo ein del pengar på salssvikten. Om blant anna noregspris fører til meir permanente endringar i vedforbruket i Noreg, må vi ta grep og endre arbeidsoppgåver, seier Knutsen.