Venstrepolitikar meiner kraftkommunar må slå seg saman og dela inntekter

I fjor hadde tli dømes Suldal kommune i Ryfylke ei bruttoinntekt på 274 millionar kroner, skriv NRK.

Pengane kommunen tener på vasskraft går til bygga nye bygg, utan at kommunen treng å ta opp lån. Venstrepolitikar Alfred Bjørlo meiner nabokommunane bør få ta del i gildet.

– I utgangspunktet skal det vera god økonomi i å stilla naturen sin til disposisjon for fornybar energi. Det burde bli rydda opp i at små kraftkommunar får setta ned veto mot å gå saman med nabokommunar i større regionkommunar, seier han.

Bjørlo argumenterer for å tvangssamanslå kommunane, under føresetnad om at inntektene blir brukte lokalt.

Direktør Eivind Heløe i Fornybar Norge meiner at kraftkommunane bør få behalda inntektene sjølve.

– Dei har måtta akseptera miljøinngrep i nærområda sine, seier han.

(NPK)