Vil ha badeland på ryfylkeøy

Henrik Halleland i Stavanger KrF meiner eit badeland på Nord-Jæren bør ligga på Judaberg på Finnøy.

Ordførarkandidat Henrik Halleland for Kristeleg Folkeparti i Stavanger vil ha eit badeland plassert på Judaberg på Finnøy, skriv NRK.

Diskusjonen om kor eit badeland på Nord-Jæren skal plasserast har vore langdryg, og ein har tidvis gått bort frå ideen på grunn av for høge kostnader. Halleland argumenterer for at Finnøy er eit billigare alternativ enn Stavanger eller Sandnes.

Finnøy var ein eigen kommune fram til 2020 då øykommunen i Ryfylke blei smelta saman med Stavanger og Rennesøy.

(NPK)