Vil støtte fire små saudabedrifter med 250 000 kroner

Det er for 2023 budsjettert med 700 000 kroner som Sauda Bedriftskapital kan bruke til å støtte lokale bedriftsinvesteringar eller bedriftsutvikling. Det er styret i For Sauda KF som forvaltar pengane og tysdag ettermiddag vedtok styret å støtte fire mindre bedrifter med totalt 258 200 kroner:

• Det gule hus AS, kroner 29 400
• Sauda Rentals AS, kroner 82 000
• H.U.D hos Hagesæther, kroner 128 000
• Ryfylke Mat AS, kroner 18 800

I retningslinjene til Sauda Bedriftskapital heiter det:

Sauda Bedriftskapital gir tilskot etter retningslinjer for tildeling av tilskot. Jfr kap. 2 i retningslinjene er det prosjekt som har eit samla kapitalbehov på minst kr. 200.000 som kan søke om tilskot. Det kan søkast om tilskot på inntil 50% av bedriftsutviklingstiltak og/eller inntil 30% av investeringskostnad. Det vert ikkje gitt tilskot til driftskostnadar.

Tildelingar frå Sauda Bedriftskapital AS skal:

• Bidra til å skape nye arbeidsplassar
• Oppretthalde og utvikle eksisterande arbeidsplassar
• Bidra til fellesprosjekt mellom fleire bedrifter
• Utløyse midler frå anna verkemiddelapparat
• Realisere kreative tiltak
• Gi betre utnytting av lokalt råstoff og lokale ressursar

Tilskot frå fondet skal ha ein utløysande effekt.

Retting: Ryfylke skreiv først at møtet skulle vere onsdag ettermiddag denne veka. Møtet blei gjennomført tysdag ettermiddag og støttebeløpa blei vedtatt etter innstilling til møtet.