Årsmøte i Sauda Demensforening

Frå årsmeldinga kan me nemna Kvardagstreff på Høllandstunet. Annankvar onsdag gjennom året inviterer Demensforeningen til eit koseleg lag for bebuarar på Høllandstunet, og for alle heimebuande som ynskjer å vera i lag med oss.

 Demensvenleg samfunn

Eit samla kommunestyre vedtok at Sauda skal vera eit demensvenleg samfunn, og i fjor vår skreiv ordførar Håvard Handeland under avtalen med Nasjonalforeningen for folkehelsen.

I vinter har Demensforeningen arrangert kurs for servicebedrifter i Sauda i lag med Hukommelsesteamet i kommunen, Vibeke Lindanger Sørensen og Tina Svendsen, som har ansvaret for det faglege innhaldet. Butikktilsette, kommunetilsette og drosjesjåførar har deltatt på timeskurs.

Framover håpar me å nå mange fleire med slike kurs, og me oppfordrar alle i servicenæringane å nytta tilboda om kurs!

Eit demensvenleg samfunn er viktig for mange og bra for alle. Livet med demens blir enklare om man blir møtt med respekt og forståing.

 Val

Skrivar og styremedlem var på val, men heldigvis tok begge gjenvalg, slik at både det gamle og det nye styret ser slik ut:

Leiar Inger Marie Teig

Kasserar Else Risvold

Skrivar Bente Dyre

Styremedlem Nansy Lund

Valgkomiteen tok også gjenvalg, igjen, og er Bente Karin Handeland og Gunnel Mørk. Tusen takk for arbeidet!

Vår trufaste revisor, som har revidert oss i “alle” år, Anne Karin Hoftun, tok også ein ny periode. Tusen takk!

Me vil også nytta høvet til å takka Sauda SV for økonomisk gåve i høve deira årsmøte. Hjarteleg takk!

Etter årsmøtesakene hadde Vibeke i Hukommelsesteamet eit godt innlegg om kva ressurs vener kan vera for personar med demens og dei pårørande. Til slutt ei oppfordring til pårørande: Ta kontakt enten med oss i Demensforeningen eller med Hukommelsesteamet.