Fantastisk oppmøte på Friidrettens dag
Torsdag 8. september arrangerte Sauda IL og friidrettsgruppa Friidrettens dag på stadion.
Målet for arrangementet var at alle barn som ville kunne få prøva seg på nokre øvingar innan friidrett, ha det kjekt, pluss å få kjenne på kjensla av meistring over eigen prestasjon.
Det blei eit fantastisk oppmøte med 70 barn i alderen 4-14 år, som deltok i øvingar som 40 og 60 meter, kast, lengde – og 400 meter og 600 meter.
Annonse
Det var utruleg kjekt å sjå så mange glade og aktive barn kose seg med friidrett denne ettermiddagen, og ekstra stas var det for barna å motta medalje etter endt og god innsats.
