Amdores-stranda på Gran Canaria er ein stor favoritt bland nordmenn i haustferien.
NPK
Fleire dreg til Syden på haustferie: Gran Canaria er stabil favoritt
Mange nordmenn vil vere hundre prosent sikre på stabilt, varmt vêr i haustferien, og vender derfor snuta mot Kanarieøyane.
TUI har denne sesongen sett inn sju ekstra flygingar i haust og vinter. Det blir floge til Gran Canaria frå Oslo, Bergen, Trondheim, Kristiansand, Stavanger, Molde, Harstad/Narvik, Sandefjord, Ålesund og Bodø i heile vinter.
Når det gjeld bestillingar med både charter- og rutefly, er det ein auke i bestillingar med 21 prosent frå Oslo og 25 prosent frå Bergen i veke 40 samanlikna med i fjor.
Auken er på 16 prosent i bestillingar frå Trondheim og 15 prosent i Stavanger i veke 41 samanlikna med i fjor.
På andreplass blant dei mest populære reisemåla i haustferievekene i år finn vi Kypros, medan Tyrkia har komme seg inn på ein sterk tredjeplass.
