Folkeaksjonen-Stuhr: – Dessverre ikkje overraskande, men svært skuffande

– Det var dessverre ikkje overraskande, men likevel skuffande at eit så knapt fleirtal vedtok reguleringsplanen. I politikarane sine talar var det mykje tvil, både for og imot. I ei så kontroversiell sak skulle eg gjerne sett at politikarane var sikrare i si sak før de stemte for, skriv leiar i Folkeaksjonen mot ammoniakkfabrikk i Sauda, Niels Sebastian Stuhr, i ein epost til Ryfylke.

Dagens vedtak har ikkje endra på engasjementet til medlemmene i folkeaksjonsgruppa.

– Me i Folkeaksjonen mot ammoniakkfabrikk i Sauda held fram med vårt arbeid mot etableringa. Me er bekymra for samfunnsutviklinga i Sauda og fryktar at befolkningstallet vil fortsetta å synka på grunn av fabrikkplanane. Me er bekymra for stagnasjonen av eksisterende næring på Birkeland, som nå må venta fleire år på ei avklaring av deira framtid. I dag blei det ikkje sett punktum for ammoniakkfabrikken, men den videre prosessen er nå overlatt til utbyggar og dei markedsøkonomiske kreftene, skriv Stuhr vidare.