Piggtråd har vore ulovleg å bruke sidan 1. januar 2010.
Leif R Jansson / NTB / NPK)
Gir støtte for å fjerne piggtråd
Fjerning av piggtråd frå landbruket kan finansierast ved hjelp av tilskotsordninga spesielle miljøtiltak i jordbruket,» også kalla SMIL, skriv NRK.
Fleire fylkeskommunar gir no støtte til fjerning av piggtråd. Til dømes Gjøvik og Rogaland gir tilskot til grunneigarar for å fjerne piggtråd.
I Rogaland fjerna dei heile 250 kilometer med piggtråd frå landbruket i 2021, med slik tilskot. Dette svarer til avstanden frå Stavanger til Kristiansand.
Seniorinspektør Nina Hansen-Møllerud i Mattilsynet seier til NRK at dei får jamlege førespurnader om piggtråd som skaper utfordringar for dyrevelferda.
– Det er grunn til å tru at det ligg mykje gammal piggtråd i norsk natur. Piggtråd kan påføre både tamme og vilje dyr store skadar og lidingar. Frå stygge sår, til at dyr blir hengjande fast og svelt og tørstar i hel, seier Hansen-Møllerud til allmennkringkastaren.
