Det kjem til å bli ein fin moltesesong i år.
Lise Åserud/NTB/NPK.
God moltesesong i vente
Mykje snø i vinter og ein sein vår legg opp til ein god moltesesong.
Opplysningskontoret for frukt og grønt stadfestar til NRK at det kjem til å bli ein fin moltesesong.
– Det har vore observert svært mykje molter både på Hardangervidda, Dagali, Uvdal og på Vestlandet, seier Iselin Bogstrand Sagen til allmennkringkastaren.
Ernæringsrådgivaren fortel at ein sein vår på grunn av mykje snø har gitt gode forhold for blomstringa til molta.
I tillegg har det vore godt med insekt som har bidrege med å pollinere molteblomstrane.
– Det er mykje i høgda som ikkje er modent endå, men det kjem fort no. Og mange stader har det allereie vore plukka mykje, seier Sagen.
