Lokalavis for Sauda og Indre Ryfylke

Erik Husebø og Elin Bakke, klubbmeistrar i Sauda golfklubb i 2022.
Erik Husebø og Elin Bakke, klubbmeistrar i Sauda golfklubb i 2022.

Golf: Elin Bakke og Erik Husebø klubbmeistrar

Det var lenge ein jamn kamp om meistertitlane i årets turnering.

Turneringskomiteen v/Knut Atle Seim. Turneringskomiteen v/Knut Atle Seim.
Publisert Sist oppdatert

Erik Husebø gjentok bedrifta frå 2018 og 2021 og sikra seg sitt tredje klubbmeisterskap i golf då den aller gjevaste av årets turneringar blei arrangert på Sauda golfbane i helga som var.

Denne turneringa blir spelt som rein slagturnering der ein ser heilt bort frå spelarane sitt handicap. Vinnaren er med andre ord den som bruker færrast slag.

Før den siste av i alt fire nihols-rundar leia Svein Ilstad herrekonkurransen med to slag foran Erik Husebø. Som i 2021 avslutta Husebø sterkt, og når sluttrekneskapen skulle gjerast opp, var sigersmarginen hans på fem slag. Ei sterk avslutning frå Odd Erik Egge gav ein tredjeplass totalt, eitt slag bak Ilstad.

Også i dameklassen var kampen om klubbmeistertittelen ein jamn batalje. Etter 27 hol leia Helene Ness to slag foran Elin Bakke og tre foran Hilde Hodne. Bakke kom best frå det som blei ein tøff sisterunde for alle tre, og sikra seg med det sin første klubbmeistertittel i golf.

Resultat klubbmeisterskapen 2022

Herrar, slag brutto (27 delt.):

Namn R1 R2 R3 R4 Totalt
1 Erik Husebø 35 37 37 32 141 slag
2 Svein Ilstad 36 35 36 39 146 slag
3 Odd Erik Egge 38 37 38 34 147 slag
4 Mads Åmot 37 34 42 36 149 slag
5 Terje Hodne 39 38 41 36 154 slag
6 Adrian Seim 40 40 36 38 154 slag
7 Tore Eeg 35 41 37 41 154 slag

Damer, slag brutto (5 delt.):

Namn R1 R2 R3 R4 Totalt
1 Elin Bakke 43 54 48 51 196 slag
2 Helene Ness 54 47 42 59 202 slag
3 Hilde Hodne 49 51 46 57 203 slag

nyheiter nytt frå lag og foreiningar
Powered by Labrador CMS