Golf: Thomas Sørensen til topps i Sauda Open»
Erlend Rød og Arild Austerheim best i Eagle Nest Challenge».
42 ivrige golfarar stilte opp då Sauda Golfklubb søndag arrangerte Sauda Open» på Sauda golfbane. Turneringa blei spelt etter formatet slagspel netto, der ein tel slag og trekk frå tildelte slag etter handikap.
Det skulle visa seg å bli jamt i toppen i alle dei tre konkurranseklassane. I Herrar A, for spelarar med handikap under 15, var det til slutt Thomas Sørensen frå Sauda GK som gjekk av med sigeren, eitt slag foran Pål N. H. Tangen frå Haugesund GK og to foran klubbkamerat Terje Hodne. I B-klassen stod sigerskampen mellom junioren Mathias Bergsbakk og veteranen Hans Agnar Wigelius. Senioren gjekk sigrande ut av duellen på elleve slag under sitt eige par, Bergsbakk enda to slag bak.
Annonse
I dameklassen vann Eva K. Lien familieduellen mot Elin Bakke med same resultat, men lågare score på siste hol.
Søndagens turnering inneheldt også ein konkurranse i å ha det lengste utslaget på hol 4/13 og å slå ballen nærast holet på utslaget på hol 9/18.
Jørgen Ljostveit, Sauda GK hadde størst presisjon i sitt utslag på det siste holet, og vann closest til pin»-konkurransen. Elin Bakke hadde det lengste utslaget av damene på hol 4, Stig Amdal slo lengst i herrar B, medan Eirik Hamre Sandal, Odda GK, slo lengst i Herrar A.
Ørnereir-utfordring
Annonse
Høgt oppe på fjellet, 120 meter over hol 2 ligg Sauda Gk sitt vidgjetne Eagle Nest», ørnereiret, der golfarane konkurrerer om å slå lengst og om å treffa nærast pinnen på hol 2.
Laurdag tok 14 spelarar turen opp på dette spektakulære utsiktspunktet for å utfordra høgdeskrekken og presisjonen frå ein heilt uvanleg utslagsstad.
Erlend Rød hadde mest krut i swingen og tok heim sigeren i longest drive-konkurransen foran Terje Hodne og Mathias Bergsbakk. Arild Austerheim la ballen nærast pinnen på hol 2, med Hans A. Wigelius og Sigrid Isberg Klyve som nummer to og tre.
Etter lunsj i klubbhuset, deltok 19 spelarar på ei nihols lagturnering. Sigeren gjekk til Hilde Hodne, Arild Austerheim, Stig Amdal og David Opedal.
Det var strålande golfvêr under begge dagane under årets Sauda Open».
Resultat Sauda Open, Slag netto
Annonse
Herrar A (15 delt.):
| 1 | Thomas Sørensen, Sauda GK | -3 |
| 2 | Pål N. H. Tangen, Hgsd. GK | -2 |
| 3 | Terje Hodne, Sauda GK | -1 |
| 4 | Eirik Hamre Sandal, Odda GK | -1 |
| 5 | Jan R. Jørgensen, Sauda GK | par |
| 6 | Trygve Ramsnes, Sauda GK | par |
Damer (6 delt.):
| 1 | Eva K. Lien, Sauda GK | -5 |
| 2 | Elin Bakke, Sauda GK | -5 |
| 3 | Sigrid Isberg Klyve, Sauda GK | par |
Herrar B (22 delt.):
| 1 | Hans Agnar Wigelius, Sauda GK | -11 |
| 2 | Mathias Bergsbakk, Sauda GK | -9 |
| 3 | David Opedal, Sauda GK | -1 |
| 4 | Sven Åge Arnøy, Sauda GK | +2 |
| 5 | Geir Åsheim, Sauda GK | +2 |
| 6 | Bjørn Håheim, Sauda GK | +3 |
| 7 | Waldemar Olsen, Sauda GK | +5 |
| 8 | Arvid Rune Larsen, Sauda GK | +5 |
| 9 | Bengt Rafdal, Sauda GK | +5 |
