Halvparten av norske verksemder positive til å bruke kunstig intelligens

For fjerde året på rad har Norstat på vegner av IT-konsulentselskapet Computas spurt norske bedrifts- og organisasjonsleiarar i offentleg og privat sektor om digitaliseringstiltaka som er gjennomførte det siste året.

På spørsmål om det er viktig for verksemda å ta i bruk kunstig intelligens svarer heile 50 prosent delvis eller heilt samd. Ein signifikant auke frå undersøkinga i 2021 der 32 prosent meinte det var viktig.

– Utviklinga går fort. Det er gledeleg at leiarar i både privat næringsliv og offentleg sektor forstår at dei som blir hengande etter her, vil tape i konkurransen med dei som lykkast i å ta i bruk KI, meiner Trond Eilertsen, administrerande direktør i Computas.